രഹസ്യം


എത്രമേൽ മണ്ണിട്ടു മൂടിയാലും 
കിളിർക്കാതിരിയ്ക്കില്ല വിത്തുകൾ 
മനസ്സിൽ പണ്ടേ പാകി-
വളമിടാൻ മറന്നയീ കിനാവുകൾ 
പ്രായമത്രമേൽ കടന്നുവെങ്കിലും 
ഇമ്മഴ കൊണ്ടതു കിളിർക്കുമെന്നാരോ 
ഉള്ളിലായൊരു രഹസ്യം പറഞ്ഞു -
മിന്നായമായ് മാറി രസിപ്പുവെങ്കിലും !

വീട്
-----

മണ്ണിലല്ലാതെ
തറയില്ലാതെ
ചുമരില്ലാതെ
തൂണില്ലാതെ
മേൽക്കൂരയില്ലാതെ
പടുത്തതാണെന്റെ വീട് .

പാലുകാച്ചലിനു വന്നവർ
എന്റെ മുതുകിൽ തട്ടിപ്പറഞ്ഞു
പ്രകൃതി രമണീയമീ ഭവനം !
ചിലർ ആനന്ദാശ്രു പൊഴിച്ചു .

ഇത്തരം വീടുകൾ
നാട്ടിലൊരുപാടുണ്ടെന്ന് പറഞ്ഞപ്പോൾ
വിശ്വസിച്ചില്ല കൂടെയുള്ള ചിലർ .

അഞ്ചലുകാരന്റെ കിതയ്ക്കാൻ മറന്ന കാലുകളുടെ വരവ് കാത്ത് 

എത്രനേരമാ അത്താണി ചാരിയിരുന്നിരുന്നു ഞാൻ . 

നാലണത്തുട്ടു ചേർത്ത് ഒരു മറുപടി മൂപ്പരെ ഏൽപ്പിച്ച് ,

തിരികെ കുന്നിന്റെ ഉച്ചിയിലേയ്ക്ക് ഓടുമ്പോൾ 

വിയർത്തു മഷിയിളകിയ കടലാസ്സിൽ നിന്ന് ദൂരങ്ങളലിയുന്നതറിയാതെ , 

നീയടുത്തുണ്ടെന്ന തോന്നലുകളിൽ നിന്നും 

അക്ഷരങ്ങളെ കഷ്ട്ടിച്ചു കൂട്ടി വായിയ്ക്കുന്നു 

ഒളിവിലെ ജീവിതമിതെന്നതോർക്കാതെ .

രണ്ടാമത്തെ നോവല്‍ എഴുതി തുടങ്ങാനുള്ള ഊർജ്ജം പകർന്ന ജൂണിൽ പുറത്തിറങ്ങുന്ന ആദ്യ നോവല്‍ " അസ്‌നയിലേയ്‌ക്കുള്ള ദൂരം' , പബ്ലിഷേഴ്‌സ്‌ ആയ ഇന്‍സൈറ്റ്‌ പബ്ലികാ , ഗുരുതുല്ല്യനായ ജയശീലന്‍ മാഷ്‌ , സുഹൃത്തുക്കള്‍ , ഇന്നുവരെ കണ്ടിട്ടില്ലാത്തവരും കണ്ടവരുമായ എഫ്‌. ബി സുഹൃത്തുക്കള്‍ അങ്ങനെ എല്ലാവരോടും നന്ദി , സ്‌നേഹം .... ഈ വരികളില്‍ ഒളിപ്പിയ്‌ക്കുന്നു , നിങ്ങള്‍ ഒരു നിഴല്‍ പോലെ കൂടെയുണ്ടാവുമെന്ന പ്രതീക്ഷയില്‍ .........

എന്റെ ആദ്യ നോവൽ "അസ്നയിലേയ്ക്കുള്ള ദൂരം " വായനക്കാരിൽ പുതിയ ഉണർവാകട്ടെയെന്ന് മാത്രം പ്രതീക്ഷിച്ചു കൊണ്ട് ......